بدأت بالله ذي للعبد لو زل غافر=خالق الخلق عالم ما تكن السديره
ما معي غير عفوه يوم الكتب لاتغادر=لاكبيره بلا ما تحتصي او صغيره
قال ابن المزاحم عدما المزن دافر=من فؤادي تحيه للعقول المنيره
بعد يا العولقي لو تسأل الوضع سابر=الف لا تقولها كل الجموع الغفيره
ارضنا اليوم اضحه بين اعتى مخاطر=محدّقه بصرح مسقى بالدماء الغزيره
وضع مقلوب من ابين لأرض المخادر=لربا الضالع الشما لصعده الضريره
للفتن والتشرذم والتفرق بوادر=والقلاقل لها الاوضاع دوماً مثيره
والقياده عملها بس تعد العساكر=لاجل قمع المواطن في الظروف الخطيره
ليت والدوله من نفط المسيله وصافر=تعطي العُشر للناس الجياع الفقيره
كان باتمنح العوده لمبعد مهاجر=يترك البؤس من غربه وعيشه مريره
والبشر ذي تمارس زورها والكباير=كان باتترك الشر والفعال الحقيره
لكن الخير كله تحتسيه الاكابر=خُبرة القائد الاعلى وحقه العشيره
بين مسؤل في مرفق حكومي وتاجر=لم يعد اي فارق في بلدنا الاسيره
اجدبوا ارضنا اهل الفلل والعماير=صادروا الناقه والمربط وباعوا الحضيره
مابقي بعدهم للشعب اية مصادر=في بلد وسطها الخيرات دوماً وفيره
دوله اضحه تواجه شعبها بالذخاير=كلما جاء لمطلب حق وشكل مسيره
مابها امن واستقرار او وضع زاهر=بالعطاء والعداله مثل باقي الجزيره
وضعها الاقتصادي وضع مؤلم وجاير=فقر زايد بطاله في جرع مستطيره
ارض قحطان باته مقبره للكوادر=وسطها تدفن افكار الرجال القديره
والصلاه عدما غرد على الغصن طاير=تغشى من بالهدى انقذ اوادم حسيره
شافعي من جهنم يوم تبلى السراير=يوم لافرد شافع للرجل من مصيره

المشاركة الأصلية كتبت بواسطة القلب الصامت جزاك الله خيرا على القصيده الرائعه وبارك الله فيك نعم إبداع وتألق جميل جدا جدا سلمت يداك

المشاركة الأصلية كتبت بواسطة ابن الباديه صح الله لسانك اخي احمد مزاحم ولاهنت ياشاعر وونعم بك ماقلت به هو جواب العولقي على حقيقه وضعنا بدقه رسميه